Шол себәпли намаздан соңра намазың манысыны гүйчлендирмек ве кувватландырмак үчин шу мүбәрек келемелериң хер бири отуз үч гезек саналяр. Намазың манысы шу гысга сөзли, көп манылы мазмуны сөзлер билен кувватландырыляр.

Икинҗи пәхим. Ыбадатың манысы шудур - Иләхи дергәхда гулуң, өз айбыны, эҗизлигини ве пакырлыгьшы гөрүп, Кемалы Рубубиетиң ве Гудраты Самеданиениң ве Рехмети Иләхиниң өңүнде хайран галмак ве мухапбет билен сежде этмегидир. Ягны, Рубубиетиң солтанатына гуллук ве тагат нәхили зерур; Рубубиетиң мукаддеслиги үчин пәклик хем шейле хөкмандыр ки, гул өз айбыны гөрүп, Алладан өтүнч дилесин. Шейлелик билен Реббисиниң бүтин ногсанлардан пәк ве узакдыгыны, әхли азашанларың батыл пикирлеринден арасса ве ёкардадыгьшы, әлемиң бар кемчиликлеринден пәк хем тәмиздигини тесбых билен "Субханаллах" билен ыглан этсин.