لمعه‌لر | يگرمى يدنجى لمعه | 547
(499-579)

بو عجيب قرارنامه‌يى ويرنلرڭ حكايه‌سى بوڭا بڭزر كه: بر وقت ظريف بر بكتاشى‌يه ديمشلر: نه ايچون نماز قيلمييورسڭ؟ ديمش: ”قرآنده {لاَ تَقْرَبُوا الصَّلاَةَ} وار.“ {وَاَنْتُمْ سُكَارَا} يى ده اوقو“ ديمشلر. او ديمش: ”بن حافظ دگلم.“ ايشته يدنجى رجاده غايت پارلاق و تأثيرلى و هر عقلى دوشونديره‌جك بر حقيقتِ ايمانيه‌يى، قرار ويرنلر پارچه‌لامشلر. او بكتاشى گبى نظرِ غفلتله قراڭلق گورونن او نقطه‌يى گويا نسلِ آتى‌يى قراڭلقده گورديگمى دييه عليهمه چويرمشلر. آرقه‌سنده‌كى أنوارِ ايمانيه‌نڭ آلتى جهتده گورديگى نورانى خدمته گوز قپايورلر. نمونه اولارق بو رجانڭ محكمه‌ده اوقونماسنى طلب ايدرم، تا آڭلاشيلسين. دقّتسزلك و جربزه ايله لهمده اولانى عليهمه چويردكلرى گورولسون.

سس يوق

لمعه‌لر