لمعه‌لر | يگرمى سكزنجى لمعه | 594
(580-659)

بو أماره‌لرى تأييد ايدن شو نقطه‌در كه: قصيدۀِ جلجلوتيه عموميتى إعتباريله سُريانى، عِبرانى أسماءِ إلٰهيه‌يى و سُوَرِ قرآنيه‌يى شفاعتجى ياپوب خصوصى مناجات اولديغى حالده، باشده {بَدَاْتُ بِبِسْمِ اﷲِ رُوحِى بِهِ اهْتَدَتْ اِلٰى كَشْفِ اَسْرَارٍ بِبَاطِنِهِ انْطَوَتْ} فقره‌سيله گوسترييور كه: بعض أسرارِ غيبيه‌نڭ كشفندن بحث ايده‌جك. يالڭز بر ايكى يرده خصوصى مناجات و دعادن إستقباله باقار طرزى وار كه؛


بريسى {اَقِدْ كَوْكَبِى بِا ْلاِسْمِ نُورًا} دن باشلايور. او اوچ سطرده اوچ دفعه قوّتلى إشارتله معنا و جفرله رسالۀِ نورى گوسترييور.


ايكنجى ير ايسه {فَيَا حَامِلَ اْلاِسْمِ الَّذِى جَلَّ قَدْرُهُ} ايله باشلايان اوچ سطرنده اوچ قوّتلى إشارتله رسالۀِ نور شاكردلرينه باقييور.


يتمش دفعه يوز إحتمال ايچنده بر صحيفه‌نڭ آچيلمه‌سى تصادف اولماديغى گبى؛ بو طرزده‌كى ايمالر، أماره‌لر، إشارتلر ألبته تصادفى اولاماز. بلكه بر كرامتِ غيبيه‌در، قرآنِ حكيمڭ خدمتكارلرينه بر إكراميدر.

سس يوق

لمعه‌لر