شعاعلر | اون برنجى شعاع | 376
(360-469)

أگر إستقامت دائره‌سنده گيتسه، گنجلك غايت شيرين و گوزل بر نعمتِ إلٰهيه و طاتلى و قوّتلى بر واسطۀِ خيرات اولارق آخرتده غايت پارلاق و باقى بر گنجلك نتيجه ويره‌جگنى، باشده قرآن اولارق چوق قطعى آياتيله بتون سماوى كتابلر و فرمانلر خبر ويروب مژده ايدييورلر. مادام حقيقت بودر. و مادام حلال دائره‌سى كيفه كافيدر. و مادام حرام دائره‌سنده‌كى بر ساعت لذّت، بعضًا بر سنه و اون سنه حپس جزاسنى چكديرر. ألبته گنجلك نعمتنه بر شكر اولارق، او طاتلى نعمتى عفّتده، إستقامتده صرف ايتمك لازم و ألزمدر

سس يوق

شعاعلر