عزيز، صدّيق قارداشلرم!

عجبا اورته‌لقده أڭ زياده ضررلى بز و نورلر ميدر كه، هر محرّّر سربست يازييور و هر صنف مداخله‌سز طوپلانمه ياپييور. حالبوكه دين تربيه‌سى اولماسه، مسلمانلرده إستبدادِ مطلق و رشوتِ مطلقه‌دن باشقه چاره اولاماز. چونكه ناصل بر مسلمان، شيمدى‌يه قدر حقيقى يهودى و نصرانى اولماز بلكه دينسز اولور، بتون بتون بوزولور. اويله ده بر مسلمان، بولشويك اولاماز. بلكه آنارشيست اولور، داها إستبدادِ مطلقدن باشقه إداره ايديلمز. بز نور طلبه‌لرى هم إداره‌يه، هم آسايشه، هم وطن و ملّتڭ سعادتنه چاليشييورز. قارشيمزده‌كى دينسز آنارشيست و ملّت و وطن دشمنلريدر. حكومت بزه ايليشمك دگل، تام حمايه و يارديم ايتمك ألزمدر.