Бейлекиси болса бизиң өз везипәмиздир. Патыша ховандарлык эдип көмек берер, биз болса түргенлешерис ве сөве-шерис."

Эгер, ол башына гиден бибаш эсгер өз җихатлы, дүзгүн нызамлы ёлдашына гулак салмаса, онуң ненеңси бела-бетерлере учраҗагыны гөз өңүне гетирйәрмиң?!

Ине, эй, мениң бипарх небсим! Ол ховсалалы тәлим мейданы бу дагдагалы башагай дүнйәдир. Ол отрядлара бөлүнен гошун болса, адамзат җемгыетидир. Ол отряд болса, шу асырың мусулман җемагатыдыр. Ол ики эсгериң бири диниң парзларыны долы ерине етирмек, улы гүнәлерден дашда дурмак ве гүнә этмезлик үчин небис ве шейтан билен гөрешйән таква мусулмандыр. Бейлеки эсгер хакыкы рызк берен Аллаха төхмет атмага ченли дереҗеде, өз экленҗиниң аладасында галып, парз ишлери терк эдип, рызк угрунда душ гелен гүнә ишлерден гачмаян, зыяна галан фасыкдыр.