Бешинчи зыян: Меңгилик өмүрдүн негиздерин жана акырет таалайына керектүү нерселерди даярдоо үчүн берилген акыл, жүрөк, көз жана тил сыяктуу Рах-мандын сонун белектерин Тозок эшиктерин сага ачып бере турган көрксүз кейипке айландырат.

Эми сатуу маселесине келели... Ошон-чолук эле оор нерсе бекен, көпчүлүгү сатуудан качууда. Жок!.. Эч качан мүмкүн эмес. Эч бир андай оорчулугу жок. Анткени адал нерселердин чеги кең, лаззат алууга жеткиликтүү. Арамга кирүүнүн эч кандай кажети жок. Аллахтын буюрган парздары жеңил, ары аз. Аллахка кул жана аскер болуу - ушундай лаззаттуу бир абырой, аны айтып берүү мүмкүн эмес.

Милдет болсо жалгыз бир аскер сыяктуу Аллахтын аты менен иштөө, баштоо... Жана Аллахтын аты менен берүү, алуу... Дагы да Анын руксаты менен мыйзамы чегинде аракет этүү, бейпилдик табуу... Каталык жасаса Истигфар этүү: "Я Раб! Каталарыбызды кечир... Бизди өзүңө кул кабыл эт. Аманатыңды ала турган учурга чейин, бизди аманатта ишенимдүү кыл. Омин!.." деши керек жана Ага жалбаруусу тийиш..