Үчүнчү пайда.- Ар бир мүчө жана сезүү мүчөлөрүнүн баасы бирден миңге көтөрүлөт. Маселен, акыл - бир курал. Эгер аны Жанабы Хакка сатпастан, балким написиңин эсебине иштеттирсең анда бактысыз, зериктирүүчү жана кыйноочу бир курал болот, өткөн мезгилдин аянычтуу кайгы-муңун, келечек күндөрдүн коркунучтуу ал-абалын сенин бул бечара башыңа жүктөп, бактысыз жана зыяндуу курал даражасына түшөт. Мына ошондук-тан күнөөкөр адам акылдын кыйноосу жана зордоосундан кутулуу үчүн көбүнесе же мас болууга же оюн-шоокко качат. Эгер чыныгы ээсине сатылса жана анын эсебине иштеттирсең - акыл ушундай тылсымдуу бир ачкыч болот, а да бул ааламдагы чексиз рахмет байлыктарын жана хикмет казыналарын ачат. Муну менен бирге ээсини соңсуз бакытка даярдайт, өзү болсо бир Муршиди Раббани мертебе-сине чыгат.

Маселен: Көз - бир сезүү мүчөсү; рух бул ааламды ал көз терезеси аркылуу көрөт.

Эгер Жанабы Хакка сатпастан, балким напис эсебине иштеттирсең - өтүп кетчү, дайыма болбогон кээ бир сулуулуктарды, көрүнүштөрдү тамаша кылуу менен шехвет жана написин кумарлыгына бир кавват даражасындагы кызматкер болот. Эгер көздү, көздүн ээсине сатгаң, анын эсебине жана анын руксаты менен иштеттирсең -ал учурда бул көз, бул Ааламдын эң чоң китебинин бир окурманы жана бул ааламдагы Раббани кереметинин өнөрлөрүнүн бир көрөрманы, бул жер шарынын бакча-сындагы рахмет гүлдөрүнүн мүбарак бир аарысынын мертебесине чыгат.