اِنَّ اللهَ اشْتَرٰى مِنَ الْمُؤْمِنِينَ اَنْفُسَهُمْ وَاَمْوَالَهُمْ بِاَنَّ لَهُمُ الْجَنَّةَ

Тигил толкундуу салгылашуу майданы болсо, бул оомал-төкмөл дүнүйөнүн жүзү: туруктуу болбойт, тегеренет, бузулат жана ар бир адамдын акылына мына бул ойду келтирет: "Ушинтип бардык нерсе колубуздан чыгат, жок болуп жоголот. Ажеп, буларды дайыма бар кылып, соңсуз кылуунун чарасы жокпу?" Мына ушинтип ойлонулуп жаткан учурда капыстан көктөн келген Куран үнү угулат. "Ооба, бар. Ары беш мертебе пайдалуу бир жол менен сонун жана рахат чарасы бар".

Суроо: Кандай?

Жооп: Аманатты чыныгы ээсине сатуу... Мындай сатышта беш даража пайданын үсүндө пайда бар.

Биринчи пайда: Пани болгон мал-мүлк меңгиликке айланат. Анткени Каюми Баки болгон Заты Зүлжалалга берилген жана Анын жолунда сарпталган бул өтө турган жашоо меңгиликке айланат. Меңгилик жемиштерин берет. Ошол убакытта өмүр мүнөттөрү кудум уруктар, данектер сыяктуу тышкы көрүнүшүндө пани болот, чирийт, бирок Баки ааламында бакыт гүлдөрүн ачат, барпырап өсөт жана Барзах ааламында ар бири нурдуу, сүйкүмдуу көрүнүшкө айланат.

Экинчи пайда: Бейиш сыяктуу бир акы берилет.