لمعه‌لر | سكزنجى لمعه | 116
(54-118)

خسرو، رشدى قارداشلريمزڭ فقره‌لرينه


كوچك بر حاشيه‌در.


حاشيه: أميرطاغنده ياغمورسزلق زماننده استاديمه آرا صيره بنمله خدمت ايدن محمد، على، إسماعيل و بن استاديمزدن ياغمور دعاسنى كويليلرڭ رجاسيله ايستدك. استادم بزلرى معصوم چوجقلر دييوب خاطريمزى قيرمامق ايچون سوز ويردى. هم ديدى: بويله مصيبتِ عامّه‌دن خصوصى دعا مقابل گله‌مييور. بونڭ چاره‌سى رسالۀِ نورى سربست بيراقوب اوقوسونلر كه؛ بو بلايى دفعه وسيله اولور. ايكنديدن صوڭره جامعه گيتديگى وقت هيچ بر بلوط يوقدى، بزم رجامز خاطرينه گلدى. حزب النوريه‌نڭ ايكنجى مرتبه‌سنده‌كى {لاَ اِلٰهَ اِلاَّ اﷲُ الَّذِى دَلَّ عَلٰى وُجُوبِ وُجُودِهِ فِى وَحْدَتِهِ وَ عَلٰى غَايَةِ وُسْعَةِ رَحْمَتِهِ فِى سُرْعَةِ فَعَّالِيَّةِ قُدْرَتِهِ الْجَوُّ الشَّاهِدُ بِكَلِمَاتِ السَّحَابِ وَالرِّيَاحِ وَالرُّعُودِ وَالْبُرُوقِ وَاْلاَمْطَارِ} اوقوركن {وَيُسَبِّحُ الرَّعْدُ بِحَمْدِهِ} آيتنى اوقودى. عين كلمه‌ده ايكى آيدن بَرى ايشيتمديگى قوّتلى رعد صداسى اولان گوك گورولتيسى باشلادى. او كلمه‌دن بر مقدار صوڭره، ياغمور علامتى يوقكن، بزه ويرديگى سوز ايچون {اَللّٰهُمَّ اَسْقِنَا غَيْثًا مُغِيثًا} ديديگى عين كلمه‌ده، ياغمورڭ سسلرينى ايشيتدى. (حاشيه) صوڭره صباحلين بڭا، ”كيمسه‌يه سويله‌مه“ دييه حكايه ايتدى.


سس يوق

لمعه‌لر