لمعه‌لر | اون آلتنجى لمعه | 233
(228-242)

ينه او وقت خاطريمه گلدى كه: عجبا هر جامعده بولونان، سندِ صحيح ايله بو صاچ حضرتِ رسالتڭ صاچى اولديغى ثابت ميدر كه، اوڭا قارشى زيارت معقول اولابيلسين؟


بردن خاطره گلدى كه: او صاچلرڭ زيارتى، وسيله‌در. رسولِ أكرم عليه الصلاة والسلامه قارشى صلوات گتيرمگه سبب و بر حرمت و محبّته مداردر. وسيله‌لك جهتى او شيئڭ ذاتنه باقماز، وسيله‌لك جهتنه باقار. اونڭ ايچون أگر بر صاچ حقيقى اولارق لحيۀِ سعادتدن اولمازسه، مادام ظاهر حاله گوره اويله تلقّى ايديلمش و او وسيله‌لك وظيفه‌سنى ياپييور و حرمته و توجّهه و صلواته وسيله اولويور؛ قطعى سند ايله او صاچڭ ذاتنى تشخيص و تعيين لازم دگلدر. يالڭز، عكسنه قطعى دليل اولماسين، يتر. چونكه تلقّياتِ عامّه و قبولِ اُمّت، بر نوع حجّت حكمنه گچر. بعض أهلِ تقوا بويله ايشلرده، يا تقوا ويا إحتياط ويا عزيمت نقطه‌سنده ايليشسه‌لر ده، خصوصى ايليشيرلر. بدعه ده ديسه‌لر، بدعۀِ حسنه نوعنده داخلدر. چونكه وسيلۀِ صلواتدر.


رأفت بك مكتوبنده دييور: ”بو مسئله إخوانلر بيْننده مدارِ مناقشه اولمش.“ قارداشلريمه توصيه ايدييورم كه: إنشقاقه و إفتراقه سببيت ويرن مناقشه ايتمه‌سينلر. يالڭز مداولۀِ أفكار صورتنده نزاعسز مباحثه‌يه آليشسينلر

سس يوق

لمعه‌لر