لمعه‌لر | اون يدنجى لمعه | 265
(243-282)

أوت أگر نمازلرڭ آرقه‌سنده خصوصًا بايرام نمازلرنده بر آنده اﷲ أكبر ديين يوزر ميليون إنسانلرڭ سسلرى، عالمِ غيبده إتّحاد ايتدكلرى گبى، عالمِ شهادتده دخى بربريله إتّحاد ايدوب إجتماع ايتسه؛ كُرۀِ أرض تماميله بيوك بر إنسان اولوب، عظمتنه نسبةً بيوك بر صدا ايله سويله‌ديگى اﷲ أكبره مساوى گلديگندن، او موحّدينڭ إتّحادى ايله بر آنده اﷲ أكبر ديمه‌لرى، كُرۀِ أرضڭ بيوك بر اﷲ أكبرى حكمنه گچييور. عادتا بايرام نمازلرنده عالمِ إسلامڭ ذكر و تسبيحيله زمين زلزلۀِ كبرايه مظهر اولوب، أقطار و أطرافيله اﷲ أكبر دييوب، قبله‌سى اولان كعبۀِ مكرّمه‌نڭ صميمى قلبيله نيّت ايدوب، مكّه آغزيله، جبلِ عرفه ديليله اﷲ أكبر دييه‌رك، او تك كلمه أطرافِ أرضده‌كى عموم مؤمنلرڭ مغاره‌مثال آغزلرنده‌كى هواده تمثّل ايدييور. بر تك اﷲ أكبر كلمه‌سنڭ عكسِ صداسيله حدسز اﷲ أكبر وقوع بولديغى گبى، او مقبول ذكر و تكبير، سماواتى دخى چينلاتوب برزخ عالملرينه ده تموّج ايده‌رك صدا ويرييور.

سس يوق

لمعه‌لر