لمعه‌لر | يگرمى سكزنجى لمعه | 659
(580-659)

و حقائقِ ايمانيه و قرآنيه و حادثاتِ محمّديه (ع‌ص‌م) ايسه، نه قدر جزئى ده اولسه، أڭ بيوك، أڭ كلّى بر حادثۀِ مهمّه حكمنده أڭ كلّى بر دائره اولان عرشِ أعظمده و دائرۀِ سماواتده (تمثيلده خطا اولماسين) مقدّراتِ كائناتڭ معنوى جريده‌لرنده نشر اولونويور گبى هر كوشه‌ده مدارِ بحث اولويور، دييه بيان ايله برابر، قلبِ محمّديدن (ع‌ص‌م) تا دائرۀِ عرشه وارنجه‌يه قدر ايسه، هيچ بر جهتله مداخله إمكانى اولماديغندن، سماواتى ديڭله‌مكدن باشقه، شيطانلرڭ چاره‌سى قالماديغنى إفاده ايله، وحىِ قرآنى و نبوّتِ أحمديه (ع‌ص‌م) نه درجه يوكسك بر درجۀِ حقّانيتده اولديغنى و هيچ بر جهتله خلاف و ياڭليش و حيله اوڭا ياناشمق ممكن اولماديغنى، غايت بليغانه بلكه معجزانه إعلان ايتمك و گوسترمكدر.


سُبْحَانَكَ لاَ عِلْمَ لَنَا اِلاَّ مَا عَلَّمْتَنَا اِنَّكَ اَنْتَ الْعَلِيمُ الْحَكِيمُ

سعيد النورسى

سس يوق

لمعه‌لر