لمعه‌لر | اوتوزنجى لمعه | 750
(744-825)

ايشته حكمت دخى بر ضيادر.. رحمتِ محيطه بر ضيادر.. تزيين، توزين، تنظيم، تنظيف محيط برر ضيادرلر كه، او شمسِ أزلينڭ شعاعلريدرلر. ايشته گل، باق؛ ضلالت و كفر ناصل هيچ چيقيلماز باتاقلغه گيرر. و ضلالتده‌كى جهالت، نه درجه أحمقانه اولديغنى گور، ”الحمد ِﷲِ على دِينِ الإسلام و كمالِ الايمان“ دى


أوت كائنات سراينى ترتميز طوتان بو علوى، عمومى تنظيف؛ ألبته إسمِ قدّوسڭ جلوه‌سى و مقتضاسيدر. أوت ناصلكه بتون مخلوقاتڭ تسبيحاتلرى إسمِ قدّوسه باقار؛ اويله ده بتون نظافتلرينى ده، قدّوس إسمى ايستر. (حاشيه) نظافتڭ بو قدسى إنتسابندندر كه؛ {اَلنَّظَافَةُ مِنَ اْلاِيمَانِ} حديثى، نظافتى ايمانڭ نورندن صايمش. {اِنَّ اﷲَ يُحِبُّ التَّوَّابِينَ وَيُحِبُّ الْمُتَطَهِّرِينَ} آيتى دخى، طهارتى محبّتِ إلٰهيه‌نڭ بر مدارى گوسترمش


--------------------------------------------------------------------------


(حاشيه: كوتو خصلتلر، باطل إعتقادلر، گناهلر، بدعه‌لر؛ معنوى كيرلردن اولدقلرينى اونوتماملى‌يز

سس يوق

لمعه‌لر