عزيز، صدّيق قارداشلرم

بتون روح و قلب و عقلمله سزڭ ليالئِ عشره‌ڭزى تبريك ايدرز. بزم شركتِ معنويه‌مزه بيوك قزانجلرى ايده‌جكلرينى رحمتِ إلٰهيه‌دن نياز ايدرز. بو گيجه رؤيامده يانڭزه گلمش، إمام اولارق نماز قيلاجغم حالنده اوياندم. بنم تجربه‌مله رؤيانڭ تعبيرى چيقه‌جغى زمانده، صاوه و حومه قهرمانلرندن ايكى قارداشمز رؤيايى تعبير ايتمك ايچون عمومڭز نامنه گلديلر. بن ده عمومڭزى گورمك گبى مسرور اولدم.

قارداشلرم! گرچه بو وضعيت، هم موافغه و بر قسم مأمورلره رسالۀِ نوره قارشى بر چكينمك، بر اوركمك ويرمش؛ فقط بتون مخالفلرده و ديندارلرده و علاقه‌دار مأمورلرده بر دقّت، بر إشتياق اويانديرييور. مراق ايتمه‌يڭز، او نورلر پارلايه‌جقلر. حاشيه)

صبرينڭ تعبيرى و إستخراجيله، سورۀِ وَالْعَصْرِ إشارتنه موافق اولارق رسالۀِ نور، آناطولى‌يى جبلِ جودى‌ده سفينه گبى و إسپارطه و قسطمونى‌يى آفاتِ سماويه و أرضيه‌دن محافظه‌لرينه بر وسيله اولديغنى و ”رسالۀِ نوره ايليشمه‌سينلر، يوقسه ياقيندن بكله‌ين آفتلر گله‌جكلرينى بيلسينلر، عقللرينى باشلرينه آلسينلر.“ بو مصيبتدن برآز أوّل تكرار ايله سويله‌يوردم و سزه ده او مكتوبلر گوندريلمشدى. شيمدى آلديغم خبر: قسطمونى، جوارى، قلعه‌سى، رسالۀِ نورڭ ماتمنى طوتمش گبى آغلامش و زلزله ايله صيتمه طوتمش، إن شاء اﷲ ينه رسالۀِ نوره قاووشه‌جق و گوله‌جك و شكر ايده‌جك

---------------------------------------------------------------------------

(حاشيه : أى قارداش! دقّت بيور. دڭزلى حپسنده، بتون أسبابِ عالم ظاهرًا استادڭ عليهنده، إعدام حكملريله محكمه‌يه ويريلمشكن، استاد دييور: ”مراق ايتمه‌يڭز قارداشلرم، او نورلر پارلايه‌جقلر.“ بو سوز، باق ناصل تحقّق ايتدى. طلبه‌لرى