١٤. ذو الفقار و عصاىِ موسى‌نڭ گيزلى صاتيلماسنه

ج - طوغريدن طوغرى‌يه ديانت رياستنه براىِ معلومات بو مجموعه‌لرڭ گوندريلمه‌سى، هم علنًا إستانبولده جلدلنمه‌سى و إستانبولده‌كى مهمّ ذاتلره، حتّى بعض كتابجيلره كه هندستانه قدر گوندريلمك ايچون گوندريلمه‌سى، گيزلى صاتيلمديغنى بلكه إعلاناتله تشهير ايديلمكله صاتيلديغى بو خطاسنى گوسترييور

١٥. ”يوز قرق سوره قرآن“ ديمه‌سنه

ج - قرآن يوز اون درت سوره اولديغنى، قرآنى اوقويان هركس بيلديگى حالده، سطحيلگى و عجله‌لگى بو عجيب ياڭليشه سَوق ايتمش

١٦. قرآنِ كريمه عادتا بر نظيره

ج - بيڭ دفعه حاشا! رسالۀِ نور قرآنڭ بو عصرده بر معجزۀِ معنويه‌سنڭ بر آيينه‌سى و اوندن ترشّح ايتمش بر تفسيرى اولديغنه بتون نورجيلرڭ و رسالۀِ نورده‌كى يازيلرى گورنلرڭ قناعتلرى، بو ياڭليشى تكذيب ايدييور

١٧. رسالۀِ نور يوز قرق پارچه‌دن عبارت اولان

ج - مدافعاتمده بلكه پك چوق دفعه‌لر لزومى ايچون يوز اوتوز پارچه دييه تكراريمز بو ياڭليشنى گوسترييور