١٨. رسالۀِ نورڭ تأليفى يگرمى اوچ سنه‌ده تماملانديغى بيلديريلن

ج - إمامِ على‌نڭ (رض) و غوثِ أعظمڭ (ق‌س) إشاراتِ غيبيه‌لريله و معناىِ إشاريسيله، بر وقت يگرمى درت سنه‌ده رسالۀِ نور تمام اولاجق دينيلمه‌سى، او ياڭليشى تصحيح ايدر

١٩. اوچ كتابده طوپلانان نور رساله‌لرينڭ

ج - بلكه يالڭز يگرمى يدنجى مكتوب، لاحقه‌سيله برابر او اوچ مجموعه قدر بيوك اولديغى گبى، اونلرده‌كى نورڭ رساله‌لرى او اوچ مجموعه‌ده آنجق بشدن بريسى اولماسى؛ دقّتسزلكدن گلن بو ياڭليشنى گوسترييور

٢٠. پراكنده حالنده بولونان نور رساله‌لرى

ج - شيمدى، نورلرى يازان قلملرڭ يوز بيڭلر و گوزل إعتنا ايله توافقله يازان يوزلر كاتبڭ عشقِ ايمانى و علمى ايله يازدقلرى نور رساله‌لرينه پراكنده، أهمّيتسز پارچه‌لر نامى ويريلمسى ظاهر بر ياڭليشدر.

٢١. بعض قسمنده موضوع و غايه ايله هيچ ايلگيسى اولماديغى

ج - أسكى زمانده منطقده أڭ درين عالملرى إلزام ايدن و شيمدى‌يه قدر مدقّق عالملرڭ رسالۀِ نورى او جهتده تنقيد ايده‌مه‌ملرى بو خطايى سويله‌ينه إعاده ايدر

٢٢، ٢٣. رسالۀِ نورڭ بر قسمنده اوقويانلره بر شى اوگرتمه باقيمندن، علمى ماهيت طاشيمديغى

ج - يگرمى سنه‌دن بَرى حكومتڭ إغفال اولونمش بعض ركنلرى و آلدانمش بعض متعصّب خواجه‌لر رسالۀِ نورڭ عليهنده هجوم ايتدكلرى و هركسى اوركوتدكلرى حالده، هيچ بر أثره ميسّر اولميان يوز بيڭلر هر صنفدن محتاجِ علمِ حقيقت اوڭا طالب اولوب إستفاده‌لرى، بو إفترايى پك چركين گوسترييور