بر تك غايه‌م واردر: او ده، مزاره ياقلاشديغم بو زمانده، إسلام مملكتى اولان بو وطنده بولشويك بايقوشلرينڭ سسلرينى ايشيدييورز. بو سس، عالمِ إسلامڭ ايمان أساسلرينى زده‌لييور. خلقى، بِالخاصّه گنجلرى ايمانسز ياپارق كنديسنه باغلايور. بن بتون موجوديتمله بونلرله مجادله ايده‌رك گنجلرى و مسلمانلرى ايمانه دعوت ايدييورم. بو ايمانسز كتله‌يه قارشى مجادله ايدييورم. بو مجاهده‌م ايله إن شاء اﷲ اﷲ حضورينه گيرمك ايسته‌يورم، بتون فعاليتم بودر. بنى بو غايه‌مدن آليقويانلر ده، قورقارم كه بولشويكلر اولسون! بو ايمان دشمنلرينه قارشى مجاهده آچان ديندار قوّتلرله أل أله ويرمك، بنم ايچون مقدّس بر غايه‌در. بنى سربست بيراقڭز. أل برلگيله، قومونيستلكله زهرلنن گنجلرڭ إصلاحنه و مملكتڭ ايماننه، اللّٰهڭ برلگنه خدمت ايده‌يم