شعاعلر | اون دردنجى شعاع | 783
(559-861)
بِاسْمِهِ سُبْحَانَهُ

عزيز، صدّيق قارداشلرم!


بن شيمدى جلجلوتيه‌يى اوقوركن، {بِحَقِّ تَبَارَكَ ثُمَّ نُونٍ وَ سَائِلٍ} جمله‌سنده رسالۀِ قدره إشارت ايدن و يگرمى آلتنجى مرتبه‌ده {ثُمَّ نُونْ} سوره‌سى قدر سوزيله مناسبتى نه‌در، قلبمه گلمه‌سى آننده إخطار ايديلدى: ”او سوره‌نڭ باشنى اوقو.“ بن ده اوقوركن گوردم كه: {ن وَالْقَلَمِ وَمَا يَسْطُرُونَ} آيتى بتون قلملرڭ و تسطير و كتابتلرڭ أصلى، أساسى، أزلى مأخذى و سرمدى استادى قدرڭ قلمى و نور و علمِ أزلينڭ نورينه إشارت ايدن {ن} كلمه‌سيدر. ديمك {وَالذَّارِيَاتِ} ذرّات رساله‌سنه إشارتى گبى قوّتلى بر مناسبتله، {ن} كلمه‌سى رسالۀِ قدره قوّتلى إشارتله باقار.


سعيد النورسى

سس يوق

شعاعلر