آفيون آغير جزا محكمه‌سنه

صايين حاكملر!

بزه إسناد ايديلن صوچ هم يرسزدر، هم ده دنيايه عائددر، سياسيدر. حالبوكه سياست ياپاجق إنسانلر اولوب اولماديغمزى ذاتًا ايلك باقيشده سز محترم حاكملر چوقدن آڭلامشسڭز. أساسًا بو صوغوق و يابانجى إسناد، أگر فرضا يوزده يوز تحقّق ايده‌جگنى يوزلرجه صلاحيتلى كيمسه‌لر تأمين ايتسه‌لر؛ بنم ده عقلم شيمديكندن يوز دفعه فضله اولسه، رسالۀِ نورڭ و اونڭ چوق محترم مؤلّفنڭ بنده بيراقديغى معنوى إنطباع ايله بتون موجوديتمله بو گچيجى و توكه‌نيجى سياسى لذّت و ماجرادن قاچوب آخرته ايمان و جهنّمدن قورتولمق يولنده صرف ايده‌رم. گرك رسالۀِ نورڭ قيمتلى مؤلّفنه حرمتمز و باغليلغمز و گركسه رسالۀِ نورڭ اوقونماسى، يازيلماسى و نور طلبه‌لريله مخابره و مناسبتمز، (دڭزلى آغير جزا محكمه‌سنڭ و يوكسك يارغيتايڭ ده تصديقى ايله) طوغريدن طوغرى‌يه اُخرويدر. اويله كه: رسالۀِ نوردن آلديغمز فكرله، بو نورلى وارلقلرى هيچ بر صورتله دنيوى و مادّى قيمتلره دگيشمه‌يز. بو بزده بر ايمان حالنده، ئولونجه‌يه قدر ياشايه‌جقدر.