Эмма ынсандакы арзув-ислег, гахар-газап дуйгусы, акыл-пайхас кувваты Ярадан тарапындан чәклендирилмәндир. Ынсаның җүзъи ыгтыяры билен бейгелмегини ве өсүш газанмагыны үпҗүн этмек үчин бу дуйгулар өз эркине гойберилени себәпли, ынсан гатнашыкларында зулум ве өте гечмелер йүзе чыкяр. Бу өтегечмелериң өңүни алмак үчин, адамзат өз ишлериниң өнүмлерини ики тараплайын пейдаланмакда адалата мәтәчдир. Эмма хер бир шахсың акыл-пайхасы адалата дүшүнмекден эҗиз-диги үчин күлли акыла зерурлык бардыр. Гой, шахслар ол күлли акылдан пейдалансынлар. Эмма күлли акыл хем канун шеклинде болар. Ол канун болса, диңе шеригатдыр.

Соңра ол шеригатың тәсирини аян этҗек, оны берҗай этмеги, уланмагы үпҗүн этҗек бир доландырыҗы меркез, оңа эе герек. Ол доландырҗы меркез ве онуң эеси пыгамбердир.

Пыгамбер болан шахсың хем гөрүнйән ве гөрүнмейән гөрнүшде халка хәкимлигини довам этдирмеги үчин мадды хем-де рухы бейиклиге, айратын тапавуда эе болшы ялы, Халык билен болан мынасы-бетиниң дереҗесини хем-де Онуң билен багланшыгьшы субут этмек үчин, бир делил герекдир. Шол делил олса, диңе мугҗыза - гудратдыр.