Соңра Алла Тагаланың буйрукларына, гадаган эден затларьша боюн болмагы, тагат кылмагы гурамак ве үпҗин этмек үчин Яраданың азаматыны зехинлере орнашдырмак зерурдыр. Бейле орнашдырма хем диңе акаид билен, ягны, иманы эсасларың билинмеги билен газанылар. Иманы хөкүмлери кувватландырмак ве олары өсдүрмек гайталамак ве тәзеленип дуран ыбадат аркалы газанылар.

Икинҗиси: Ыбадат адамың пикирлерини Саныйы Хакиме гөнүкдирмек үчиндир. Гулуң Саныйы Хакиме йөнелмеги, онуң боюн сунмагына ве тагат кылмагына гетирер. Боюн болмак ве тагат кылмак болса, гулы иң кәмил дүзгүн-нызама дахыл эдер. Гулуң өзүни тертибе салмагы ве дүзгүн-нызама табын болмагы билен хикметиң хакыкылыгы әшгәр болар. Хикмет болса, әлем сахыпаларында парлаян сунгатының нагышлары билен таналар.

Үчүнҗиси: Ынсан әхли ярадылышың дүзгүнлериниң, нызамларының ве әлемдәки иләхи канунларың шөхлериниң мерке-зидир. Шонуң билен бирликде, ынсаның ол канунлара багланмагы ве олара пугта япышмагы зерурдыр; чүнки, умумы акымы үпҗүн этмелидир.