Әлем гатлакларында агып-дөнүп дуран хадысаларың херекетлерине гаршы дуруп, ол хадысаларың чархларының арасында эзилмели дәлдир. Бу хем диңе шол эмирлер ве гадаганлыклардан ыбарат болан ыбадат билен амала ашар.

Дөрдүнҗиси: Алланың эмирлерини берҗай этмек, гадаган затлардан гачмак билен бир шахс социал дурмушда көп мертебелере етер. Айратын хем дини канунлар ве умумы меселелер барада бир шахс бир ковум дереҗесине гөтерилер. Ягны, бирнәче хукуклар, дереҗелер, догры ёла чагырмалар, тәлимлер, өзгерилишиклер гиризмек кимин везипелер бир шахса йүкленер. Эгер ол эмре боюн болан, гадаганлыклардан гача дуран шахс болмаса, шол везипелер тутушлыгына йитип гидер.

Бәшинҗиси: Ысламыетиң саясында ыбадат аркалы ынсанда әхли мусулманлара дурнуклы бир якынлык, ичгин багланшык дөрәр, дегишлилик дуйгусы эмеле гелер. Олар болса, сарсмаз доганлыга, хакыкы мухапбете себәп болар.