Бир вагтлар бир эсгер сөвеш ве сынаг мейданында, пейда ве зыян өврүлшигинде өрән эрбет ягдая дүшйәр. Ол шейле боляр:

Эсгер сагындан ве солундан агыр яраланяр. Арка тарапында болса горкунч бир арслан онуң үстүне зыңмага хыялланып дур. Эдил өңүнде-де дар агаҗы дикилипдир. Онуң әхли эй гөрен эзизлерини дар агаҗында асып дурлар. Дар агаҗында асылмак нобаты оңа-да гарашяр. Мунуң билен бирликде узак ёла-да гитмели. Бичәре бу чыкгынсыз халда умытсызлык оюна батяр. Шол вагт онуң саг тарапында Хызыр кимин бир нурана ягшызада пейда боляр ве оңа шейле диййәр:

"Умытсыз болма! Саңа ики саны тилсим өвредейин, дога берейин. Эгер олардан оңат пейдаланып билсең, ол арслан сениң диениңе табын ат болар. Ол дар агаҗы болса, сениң гөвнүңи гөтериҗи салланчага дөнер. Саңа булардан башга ики саны дерман хем берейин. Олардан ерликли пейдаланып билсең, сынаңдакы порсап башлан яраларың үйтгешик якымлы ыслы Гүли Мухаммеди (Алейхиссалатү Вессалам) дийилйән нәзикден энайы гүле өврүлер.