Саңа бир билет хем берейин. Сен онуң билен бир йыллык узак ёлы эдил учар кимин бир гүнде гечерсиң. Эгер маңа ынанмасаң, сынаг эдип гөр. Мениң айдянларымың хакыкатдыгына гөз етирерсиң. Эсгер ол ягшызаданың айдышы ялы сынаг эдип гөрди. Сынагы онуң айданларының хакдыгыны тассык этди.

Хава, мунуң шейледигини мен - ягны, шу бичәре Саид хем тассык эдйәрин. Чүнки олары мен хем сынап гөрдүм ве догрудыгына гөз етирдим.

Соңра эсгер бир гөрсе, сол тарапында мейхор, кеззап, шейтан кимин хилегәр бир киши дур. Ол көп зынатлар, хош суратлар, хыялы шекиллер, серхош эдиҗи ичгилер билен бирликде янына гелди. Шу халда онуң өңүне гечип шейле дийди:

"Хей, дост! Гел, биле ичели, кейп чекели. Шу гөзел гызларың сыналарына бакалы. Бу хош овазлы айдьшлары диңләли, датлы тагамлары иели."

Шейтан совал берйәр: