Шуңа бер мисал. Дөньяның иң акыллы кешесенә төрле телләрдә сүзләр әйтеп, ул сүзләрнең бөтенесен бер вакытта шул кешедән кабатлау соралса, ул кеше, ул эштән гаҗиз булып, әйтер: "Шул хәтле күп сүзләрнең барысын бер вакытта әйтергә көчем җитми. Минем бер акылым, ике колагым һәм бер генә телем бар", -дияр. Һәм дөньяның иң көчле ке-шесенә, күп төрле авыр эшләр һәм йөкләр йөкләнеп, йомышлар бирелсә, ул бөтенесен бер вакытта эшли алмый.

Хәлбуки, шул гыйлемсез, фикерсез, көчсез һәм җансыз булган һава югарыда әйтелгән меңләгән ва-зифаларның бөтенесен бергә һәм бер үк вакытта, бер-берсенә катнаштырмыйча, ялгыштырмыйча, камил рәвештә эшли. Шулай булгач, бу меңләгән эшләр дөньяның һәр җирендә билгесе булган Аллаһның чиксез гыйлеме һәм зур кодрәте белән эшләнә. Баш-кача мөмкин түгел.

 Димәк, һава атомнары шул хәлләре белән

 ЛАИЛАҺӘ ИЛЛА ҺУ дип әйтеп эшли. Ул һава Аллаһның барлыгын һәм берлеген, бөтен эшләрне бер үк вакытта эшли алырлык чиксез кодрә-те булуын акылы булган һәр кешегә көн кебек ачык күрсәтеп, исбатлап тора.