Рамазан Шәриф аенда кеше ураза әркы-лы үзен диетага күнектерә, аз ашарга ияләнә һәм боерык тыңларга өйрәнә. Зәгыйфь ашказанын, күп ашап, тутырмый. Шуның нәтиҗәсендә авырмыйча рәхәтләнеп яши. Әмер тыңларга ияләнүе аркасында хәләл ризыкларны ашаудан килгән тойгы ярдәмендә кешедә хәрамнар-дан тыелу сәләте туа.

Кешеләрнең күбесе еш кына ачлыкка дучар була. Шуның өчен, алар ачлыкка һәм сабырлыкка күнегергә, аз ашарга тиеш. Рамазанда якынча унбиш сәгать, сәхәрсез булса егерме дүрт сәгать дәвам иткән ачлыкка түзеп тору бик файдалы. Бәлаләрнең авырлыгын сабырсызлык һәм түземсезлек арттыра. Бу ике авыруның дәвасы - ураза.

Кешенең ашказаны зур бер фабрика дигән идек. Аның бик күп хезмәтчеләре бар һәм ашказаны белән бәйләнешле бик күп җиһазлар, әгъзалар ягъни органнар бар. Әгәр ашау-эчүдән тыелып ял итмәсә, ул фабриканың хезмәтчеләре үз гый-бадәтләрен онытып, ашау-эчү белән генә шөгыльләнерләр, Бүтән хисләр дә нәфесенә буйсына башлый, әһәмиятле изге вазифа-ларын онытып ашказанын гына кайгыр-та. Шуның өчен әүвәлге изге кешеләр үзләрен аз ашарга ияләндергәннәр.

Ураза вакытында кешенең бөтен хислә-ре һәм эчке җиһазлары бертөрле рухи фәрештәләр шикелле изге тәмнәр алып, шул изге гамәлләр белән кызыксынып яшәрләр. Шуның өчен Рамазан аенда бәндә үзе казанган дәрәҗәсенә карап төрлечә аерым-аерым нурлар алыр. Акыл, калеб, рух кебек хисләр, ураза аркылы күп дәрәҗәгә күтәрелер, ашказаны еласа да, алар елмаеп көлеп торыр.