Мына мындай жагдайдагы бир рухтун багымдат убактысында Кадыры Зүлжалалдын, Рахими Зүлжамалдын кузу-рунда нияз жана намаз менен муражат кылып ал-абалын айтуу, жардам жана медет тилөөсү канчалык даражада керектүү жана алдындагы күндүз ааламында башына келе турган, белини бүгө турган иштерди, милдеттерди көтөрүүгө чыдоо үчүн канчалык кажеттүү таянуу нерсеси болгондугу ачык түрдө түшүнүктүү болот.

Ал эми төмөндөгүдөй болгон күнбешим убактысында: күндүз ааламынын толуктануусу, күндүн батууга аракети жана күнүмдүк жумуштардын толук болуу убакыттары, ары алардын кыйынчылыгынан аз да болсо дем алуу убакыты жана пани дүнүйөнүн көр жана оор тиричиликтеринин берген гафлети менен кыйынчылыгынан рухтун эс алууга муктаж болгон заманы жана Илахи ниметтердин көрүнгөн көз ирмеминде адамдын руху ал кыйынчылыктан кутулуп, ал гафлеттен бошоп, маанисиз, ары баки болбогон нерселерден ай-рылып, Каюми Баки болгон Мүними Хакикинин кузуруна барып, таазим кылып, бардык ниметтерине шүкүр жана хамд этүү, жардам суроо жана Жалалы менен бийиктигинин алдында руку кылуу менен теңдешсиз Жамалынын алдында сежде кылып таң калуу, сүйүү жана кичипейилдик көрсөтүп жарыялоо мааанисинде болгон бешим намазын кылуу канчалык сонун, канчалак кош, канчалык керектүү жана ылайык болгонун түшүнбөгөн адам, адам эмес...