Шам убактысы болсо - күз мезгилинин акырында көптөгөн макулуктардын көздөн кайып болушун, ары адамдын өлүмүн, ары дүнүйөнүн кыяматы башталышындагы бу-зулушун эске салат, Жалалдын көрүнүштөрүн түшүндүрөт жана адамды гафлет уйкусунан ойготот... Эскертет.

Кечки убакыт болсо - караңгылык аала-мы, жарык ааламынын бардык эмгектерин кара кепени менен бекитүүсүн, ары кыш-тын ак кепени менен өлгөн жердин бетин жабуусун, ары кайтыш болгон адамдын ар-тында калган иштердин унутулуу пердесинин алдына кирүүсүн, ары бул ымтыхан жери болгон дүнүйөнүн толук бүтүндөй жабылуусун эске салуу менен бирге Кахх-ары Зулжалалдын сонун башкаруу иштерин жарыя кылат.

Түн убактысы болсо - ары кышты, ары кабирди, ары Барзах ааламын түшүндүрүү менен бирге адам рухунун Рахмандын рах-метине кандай даражада муктаж болгонун эске түшүрөт.

Түн ичиндеги тахажжуд намазы болсо кабир түнүндө жана Барзах караңгылыгында канчалык керектүү нур болгондугун билдирет... Ойготот жана бүткүл бул өзгөрүштөрдүн ичиндеги Жанабы Мүними Хакикинин чексиз нимет-терин эске салып, канчалык хамд менен мактоого ылайык болгонун жарыя кылат.