Еден дел од конференцијата за Рисале-и Нур на која што зборуваа студентите,
                                                    следбеници на Рисале-и Нур


         Вие, жедни за Иманска и Исламска вода на животот, мои мили почитувани браќа !
         Пред се би сакал да нагласам, со оглед дека се наоѓам на оваа трибина, помеѓу мене и вас нема никаква разлика. Јас сум ваш брат, притоа оваа конференција е полезна лекција, која за мене е многу корисна. Почитувани мои браќа, ќе ви го прочитам ова дело што е во вид на разговор, а во кое сум сопствен соговорник. Недостатоците се мои, а совршенствата и убавините му припаѓаат на делото на Рисале-и нур, дело од кое се ползував. Денеска првата конференција е врзана за верувањето и таа ќе претставува една од низата на верски конференции, кои ќе се одржуваат еднаш неделно, во колку не се случи нешто кое ќе не спречи. бидејќи, како што Бедиуззаман Саид Нурси рекол на првото Национално собрание, "Највозвишената вистина во вселената е Верувањето односно Иманот, по што доаѓа клањањето."  Па и ние најдовме сходно конференцијата да ни биде посветена на Кур'анот, Верувањето и Аллаховиот Пратеник Ресул-и Екрем Алејхи Салату весселам.
   Другата конференција ако Господ даде, ќе биде посветена на клањањето и вршењето на верските должности.
    Баравме дело што ќе ни даде поука на оваа тема. Конечно, го одбравме делото Рисале-и Нур, бидејќи речиси половина столетие истото влева доверба и сигурност како најценето верско дело кое како трајно и вечно дело на убедлив начин ќе даде поука и лекција во рамките на сфаќањата на денешното време.