(بو رسالۀِ مناجات، هم وجوبِ وجود، هم وحدت، هم أحديت، هم حشمتِ ربوبيت، هم عظمتِ قدرت، هم وسعتِ رحمت، هم عموميتِ حاكميت، هم إحاطۀِ علم، هم شمولِ حكمت گبى أڭ مهمّ أساساتِ ايمانيه‌يى خارقه بر ايجاز ايچنده فوق العاده بر قطعيت و خالصيت و يقينيت ايله إثبات ايدر.

حشره إشاراتى و بِالخاصّه آخرده‌كى شدّتلى إشاراتى چوق قوّتليدر.)

بو سكزنجى(١) حجّتِ ايمانيه؛ وجوبِ وجوده و وحدانيته دلالت ايتديگى گبى، هم دلائلِ قطعيه ايله ربوبيتڭ إحاطه‌سنه و قدرتنڭ عظمتنه دلالت ايدر. هم حاكميتنڭ إحاطه‌سنه و رحمتنڭ شمولنه دخى دلالت و إثبات ايدر. هم كائناتڭ بتون أجزاسنه حكمتنڭ إحاطه‌سنى و علمنڭ شمولنى إثبات ايدر

--------------------------------------------------------------

(١: سكزنجى حجّتِ ايمانيه تعبيرى، عصاىِ موسى مجموعه‌سنه گيرن ايمانى رساله‌لرڭ صيرالرى إعتباريله‌در. بو مناجات رساله‌سى، عصاىِ موسى‌ده سكزنجى صيراده‌در. ناشرلر