أوّلا: عمومڭزك حسابنه طاهرى‌يى گوردم و كندى حسابمزه ده، عمومڭزه تام بر سعيد و جانلى بر مكتوب اولارق گوندردم. و صنديقلى‌دن أدهم خواجه ايله مصطفى خواجه بوگون گلديلر، نورلى وظيفه‌لرينه گيتديلر.

ثانيًا: خلوصى بك قارداشمز ذو الفقار و سراج ‌النورى و صوڭره سكّۀِ غيبيه‌يى ايسته‌يور. نور سانترالى صبرى مخابره ايتسين، گوندرمگه چاليشسين.

ثالثًا: رسالۀِ نور كندى كندينه، هم داخلده، هم خارجده إنتشار ايدوب فتوحات ياپييور. أڭ معنّد دينسزلرى ده تسليمه مجبور ايتديگنى خبرلر آلييورز. يالڭز شيمديلك، بر درجه إحتياطڭ لزومى اولديغنه، خصوصًا بشنجى شعاع ايچنده بولونان سراج النور، لايق اولميان أللره ويريلمه‌مليدر.

إمامِ على (رض) رسالۀِ النوره، سراج النور نامى ويرمه‌سى و ”سِرًّا تَنَوَّرَتْ“ ديمه‌سيله إشارت ايدييور كه، سراج النور پرده آلتنده داها زياده تنوير ايده‌جك، دييه بر إشارتِ غيبيه تلقّى ايدييورز. عمومڭزه سلام ايدرز.