بنى مراق ايتمه. جنابِ حقّڭ عنايتى دوام ايدييور. هم ده دنيا مادام گچر، مراقه دگمييور. سن هر گونده بلكه يگرمى دفعه دعاده تخطّر ايديليرسڭ.

نورڭ ماكينستلرى، مدرسة الزهرانڭ فعّال، مقتدر شاكردلرندن ترزى محمد، خليل إبراهيم، معصوملرڭ كوچك قهرمانلرندن طلعت و آرقداشلرى هم بزلرى، هم بتون نور شاكردلرينى ممنون ايتدكلرى گبى، إن شاء اﷲ ايلريده بو مملكته، بو خدمتِ نوريه ايله چوق بيوك فائده و نتيجه ويره‌جكلر

صوردقلرى مسئلۀِ شرعيه ايسه؛ شيمديكى مسلگمز و حالمز، او مسئله‌لرله مشغول اولمغه مساعده ايتمييور. يالڭز بو قدر وار كه: رخصتِ شرعيه اولان قصرِ نماز و تقديم تأخير، وسائطِ نقليه بر قرارده اولماديغى ايچون اونلره بنا ايديلمز. بلكه قاعدۀِ شرعيه اولان قصرِ نماز، ثابت اولان مسافه‌يه بنا ايديله‌بيلير

أگر دينيلسه كه: طيّاره ايله و شمندوفرله بر ساعتده گيدن زحمت چكمييور كه، رخصته مستحق اولسون.

الجواب: طيّاره و شمندوفرده آبدست آلوب، وقتنده نمازينى قيلمق، يايان سربست گيدنلردن داها زياده مشكلات بولونديغى ايچون، رخصته سببيت ويرر

هر نه ايسه، شيمديلك بو قدر يازيله‌بيلدى. بو مسئلۀِ شرعيه‌يى علماءِ إسلام حلّ ايتمشلر، بزه إحتياج بيراقمامشلر. شيمدى حاضر دوقتور خيرى و ترزى مصطفى، كندى حصّه‌لرينه عرضِ حرمت و سلامت ايدرلر