جنابِ أرحم الراحمين هم اوڭا، هم رسالۀِ النور خانَداننه و دائره‌سنه مرحمت ايدوب، اونى رحمتنه و جنّته آلدى، مغلوب ايتديرمه‌دى. رسالۀِ النورڭ كوچك طلبه‌لرى دائره‌سنده‌كى مقامنده إبقا ايتدى. حدسز شكر اولسون كه، بو ايكى قهرمان برادرزاده‌لرم وفاتلرينڭ إعلاننامه‌لريله رسالۀِ النور شاكردلرى ايمانله قبره گيره‌جكلرينه دائر اولان مژدۀِ قرآنيه‌يه ايكى مثال و ايكى دليل گوسترديلر

بنم طرفمدن رسالۀِ النورله علاقه‌دار ويا بزمله دوست اولانلره سلام و دعا ايله، داود و نهاد ايكى محمد و عبد المجيد ايله برابر، بتون معنوى قزانجلريمه هر گون حصّه‌داردرلر