رسالۀِ النوره إنتساب ايتمزدن أوّل، مادّى و دنيوى هر ايشلريمزده و تجارتخانه‌مزڭ قزانجلرنده و شخصى و خصوصى ايشلريمزده، رسالۀِ النوره إنتسابدن صوڭره‌كى خارق العاده فرقلرى و بركتلرى گورمكله برابر؛ أڭ بيوك بر تجّارڭ ويا مسعود بر زنگينڭ مفرّح و سربستلگندن داها فضله فرح و سُرور و سربست و يشايش طرزنده صحّت و عافيتله (الحمد ِﷲ) مسعودانه إمرارِ حيات أيله‌مكده اولديغمزى و رسالۀِ النورڭ قدسى لطف و كرامتلرينه مديون بولونديغمزى إعتراف و تصديق ايدرز.
    استاد حضرتلرينڭ مأذونيتِ خصوصيه‌سيله، رسالۀِ النور نامنه نشريات و حقائقِ ايمانيه نقطه‌سنده، بِالخاصّه عبادت و نماز حقّنده شخصمڭ جاهل و عاجز، ناقص، إقتدارسز وضعيتم ايله واقع اولان و اولاجق بولنان تلقيناتِ دينيه‌ده‌كى قوّتلى إقناع و مؤثّر خطابه‌لرڭ آثارِ فعليه‌سنى عينًا مشاهده ايتديگمى؛ استادم رسالۀِ النور نامنه كمالِ فخرله، بر چوق نمازسز مسلمانلرى (الحمد ِﷲ) نمازه و جامعلره دوامه موفّق بولونمق گبى قدسى خدمتلرڭ آثارِ فعليه‌سندن، رسالۀِ النورڭ بيوك خارقه كرامتندن طلوع ايتديگنى و ايتمكده اولديغنى تصديق ايدرز.
    بو ايچنده بولونديغمز آلمان و إنگليز حربينڭ بدايتندن، دوامى مدّتنجه، حدسز زندقه و منافقلرڭ هيچ يوقدن سببسز اولارق، شخصمه بر إسنادات اولسون ايچون، گرك منوّر فكرلى عالم و گركسه جاهل ملحد همان همان بر قاچ دوستلرم مستثنا، مملكت خلقى و قدسى خدمتمدن كوسترمك ايچون، شيطانِ عليه مايستحق بتون مملكت خلقنى إغفال ايده‌رك عليهمه تحريك ايتمش اولاجقدر كه؛ ”نظيف، مخالف بر سياستله إتّحادِ إسلامه طرفدار ايدر، سياست پروپاغانداسى ياپييور“ ذهنيتنى شدّتله عليهمده، مملكت خلقنه و أركانِ حكومته قدر سرايت ايتديرييورلر. و بتون شيطانلرڭ تجسّسلرى تحريك ايديلمش. گويا عليهدارلرم بندن بر إنتقام آلمق حسبيله غيابمده، هم مدهش جريانى شدّتلنديرمك ايچون، كنديلرنجه منفور تلقّى ايتدكلرى ”آلمانجى“ ناميله حقارتلره معروض بيراقمقدن چكينمديلر. حالبوكه بن ِﷲ الحمد رسالۀِ النورڭ إرشاديله، حقائقِ ايمانيه و قرآنيه‌‌يى بتون كائناتڭ فوقنده گوردىگمدن و إعتقاد ايتديگمدن، دگل كُرۀِ أرضده‌كى جريانلره، بلكه بڭا ويريلسه ده، بتون دنيا سلطنتنه ده آلَت ايده‌مم. بن، يالڭز حقيقتجى و ايمانجى و قرآنجى رسالۀِ النورڭ بر خادمى‌يم. قاچ سنه‌در بتون بو هجوملريله برابر، ايكى أثرِ عنايت وار