Ол хем Хәкимдир, бидерек ере бир иш этмез, хем Рахымдыр, хайыр ыхсаны, мерхемети улудыр дийип, ыгтыгат эдйәндиги үчин хер бир затда Рахмет хазынасының гапысыны тапар ве оны дога билен ачар. Хер бир зады өз Раббиниң эмрине табын гөрер. Раббине сыгынар. Төвекгеллик ве умыт билен Оңа даянып, хер бир бела-бетерден горанар. Иманы оңа ыгтыбарлы ынам берер.

Хава, хер бир чын гөзелликлер кимин, эдерменлигиң хем гөзбашы имандадыр, Аллаха гуллук этмекдедир. Хер бир гүнә ве песлик кимин, бигайратлыгың гөзбашы хем имансызлыкдадыр.

Хава, сапйүрекли, бир намазхон гулы Ер шары ярылып, партласа, әхтимал горкузмаз. Белки, ол муңа тәсин Гудраты Самедание хөкмүнде хайран галып середер. Эмма шөхратлы акылдар сайылан имансыз, фасык философ болса, гөкдәки гуйруклы йылдызы гөрүп, ерде галпылдар. "Бәх, бу өз башына чавуп гелйән йылдыз Ер билен чакнышаймасын?" дийип, ала-басга галар.(7)

(7) "Галилей" диен йылдыз 1910-нҗы йылда Ере якын гечен вагтында, Америка ховсала дүшүп, көп киши гиҗе өплерини ташшп, көчеде отурыпды.