Хава, ынсаның мәтәчлиги ченсиз көпдүр, эмма сермаясы чигидиң габыгы ялы аздыр„. Ченсиз белаларың өңүнде гүйч-кувваты хем хичдир... Чүнки, ынсаның сермая ве гүйч-кувватының чәги элиниң етен ерине ченлидир. Эмма, ынсаның арзув-умытларының, ислеглериниң, чекен азапларының ве учран белаларының чәги хыялы-ның ве гөзүниң етен ерине ченли гиңдир. Шейле эҗиз, гарып, бичәре ынсаньщ рухуна ыбадатың, төвекгеллигиң, төвхидиң ве теслимиң нәхили улы пейдадыгыны, багтдыгыны, эшретдигини, ныгматдыгыны батыл болмадыклар гөрер, аңлылар аңлар.

Билшимиз ялы, хер ким өзүне бәхбитли ёлы сайлар, хат-да онуң бәхбитлилик әхтималлыгы нәгүмана болса-да, умыт эдер шол ёлы сайлар. Бизиң сөхбетини эдйән Аллаха гуллук этмек ёлы иң бәхбитли ёл болуп, онуң бәхбитлилик әхтималлыгы ондан докуза деңдир. Бу ёл эбеди багтлылык хазынасына элтер. Эмма пыссы-пуҗурлык ве сефахет (харамлык) ёлы болса - хатда фасыгың боюн алшы ялы - пейдасыз ёлдур. Бу ёлуң зыянлыдыгы бейледе дурсун, ондан докуза дең әхтималлыгы билен ол эбеди багтыгаралыга ве хеләкчилиге элтер.