(9) "Намаз - диниц сүтүнидир... "Мухаммет пыгамберимизиц (саллаллаху алейхи веселлем) хадысларындан.

Намаз ненеңси гымматлы ве мөхүмдир хем-де арзан ве сәхелче зәхмет билен газаныляр. Намазсыз адамының ненеңси дивана ве ярамаз хала дүшйәндигини ики икиниң дөрт болшуны билшиң ялы билмек ислесең, шу мысалы хекаяҗыга бак, оны диңле:

Бир заман бир улы хәким ики хызмат-кәриниң хер бирине йигрими дөрт алтын пул берйәр ве олары ики ай узаклыкдакы хас овадан башга бир мүлкүне яшамага гөндерйәр. Хәким олара: "Шу пуллары ёл харҗы ве билет үчин совуң. Галанына месген тутан ериңизде герек болан кәбир затлары аларсыңыз. Бир гүнлүк ёл йөресеңиз, бир станция бардыр. Ондан аңры ислесеңиз машын билен, я-да гәми, отлы, учар билен хем гидип билерсиңиз. Пулуңы-за гөрә сайлаң" диййәр.