Меселем, дилиң тагам сызмак дуйгусыны Фатыры Хакимиңе багш этмели. Эгер сен оны небсиң, гара гарның үчин ишлетсең, онда ол гарын атлы ювдарханың гапы гулы дереҗесине дүшер, гымматыны гачырар. Эмма сен дилиңи Рыззакы Кериме багш этсең, онда дилиң тагам сызыш дуйгусы, Иләхи рехмет хазыналарының үстүнден середйән хүнәрли зада өврүлер. Гудраты Самедание ныгматлар хазынасының шүкүр эден бир барлагчысы болар.

Ине, эй акылым! Үнс бер! Угур-дерек-сиз серишде ниреде, әлемиң ачары ниреде? Эй, гөз! Говы серет! Бихепбе бигайрат киши ниреде, Иләхи китапханасының үстүнден середйән алым ниреде? Эй, дил! Говҗа дат! Ювдарханың гапы гулы болмак ниреде, Рехмет хазынасына середйән йөрите везипели киши ниреде?

Ене шулар кимин сына агзаларыны ве бейлеки органлары деңешдирип гөрсең, дүшүнерсиң. Хакыкатдан хем мүъминлер җеннете лайык ве капырлар җәхенңеме мувапык боларлар.