Совал: Ол нәмедир?

Җогап: Аманады хакыкы эесине багш этмек. Ине, шу сөвда бәш эссе дүшевүнт үстүне дүшевүнтли сөвдадыр.

Биринҗи бәхбиди: Паны мал эбедилиге өврүлип билер. Чүнки Кайюмы Бакы болан Зату Зүлҗелала багышланан, онуң ёлуна сарп эдилен бу вагтлайын өмүр бакылыга өврүлер. Бакылык мивелерини берер. Шол вагт бу дүнйәде өмүр минутлары тохумлар ве дәнелер кимин чүйрәп гитселер-де, хакыкатда олар әлеми бекада (Бакы дүнйәде) багтыяр гүл ачарлар, сүнбүлленерлер. Әлеми берзахда болса, ол саңа ягтылык, якын хемраңа өврүлер.

Икинҗи бәхбиди: җеннет багшланар

Үчүнҗи бәхбиди: Хер бир дуйгы агзаларың сениң үчин пейдасы бирден мүңе чыкар. Меселем акыл бир аҗайып сериш-дедир. Эмма сен оны Алла Тагала багш этмән, небсиң хасабына ишлетсең, ол бирахат, саңа аграм салян шейле бир ярамаз зада өврүлер. Сениң бичәре башыңа гечен гүнлериң азапларыны, гам-гуссасыны, аҗысыны йүкләр.