Аслында гөрйәнсиңиз, хәзир хич ким элиндәки зады өзи горап саклап билмейәр. Эгер, сиз хем олары соңра маңа сатмасаңыз, бейлекилер кимин элиңизден гидерерсиңиз ве улы пулдан махрум галарсыңыз. Ол гыммат бахалы гөзел энҗамлар, бу өлчег терезилери, ол уланылмалы аҗайып магданлар уланьшманлыгы үчин бүтинлей гымматыны гачырарлар. Хем ёлбашчылык этмек, хем горап сакламак күлпети башыңыза дүшер. Үстесине-де аманада хыянат җезасыны чекерсиңиз. Ине, сизе бәш эссе зелел үстүне зелел. Олары маңа сатмак диймек, маңа эсгер болуп, мениң адым билен иш этмек диймекдир. Сиз йөнекей бир есир ве башы бозуклар болмагың дерегине, белент мертебели патышаның хас ве азат бир гуллукчы эсгерлери боларсы-ңыз."

Шу якымлы сөзлери ве перманы диңләнлеринден соңра ол ики адамың акыллысы шейле дийди:

"Баш үстүне, мен улы хөвес билен олары сизе сатарын. Хем муңа мүң гезек шүкүр эдерин."