(18) Мен Аллаха төвекгел эдйәрин.

дийип, сагда-кы ёла гитди. Кануна ве дүзгүн нызама табынлыга разы болды Ахлаксыз ве башына гиден бейлеки доганы болса диңе эркинлик үчин сол ёлы сайлады. Инди болса, дашындан еңил гөрүнйән, эмма рухы тайдан агыр ёла гиден бу адамы хыялымызда ызарлалың.

Ине, бу адам дереден-депеден ашып, гиде-гиде бир бош сәхралыга етди. Шол вагт бирден элхенч бир сес эшитди. Гөрсе, горкунч бир арслан токайдан чыкып, оңа тарап атылып гелйәр. Ол хем горкусына аяк алдыгына гачды. Гачып баршына, алтмыш аршын чуңлукдакы сувсуз гуя габат гелди. Горкусындан өзүни онуң ичине оклады. Гуйының ярсына етенде, элине бир агач илди. Оңа япышды. Гуйының диварында гөгерен ол агаҗың ики көки барды. Ики саны сычан - бири ак, бейлекиси гара - ол ики көки дишлери билен алдыгына кертйәрдилер. Ёкарсына бакса, арслан гаравул кимин гуйының башында гарашып дур, ашагына гараса, гуйының дүйбүнде горкунч бир аждарха башыны гөге тутуп, агзыны ачып, онуң отуз аршын ёкарсындакы аягына етип баряр. Аждарханың агзы гуйының агзы кимин гиң.