"Эгер гүнде бир тылла үчин ишлесең, соңра бири гелип, саңа шейле дийсе:

"Гел шу ери он минут чемеси газ, йүз тылла гымматы болан бриллиант ве бир дүр тапарсың". Сен оңа:

- Ёк, гелип билмерин. Чүнки гүнделик бир тылламың ондан бирини хакымдан кесерлер, чөрек пулум азалар - дийсең, нәхили акылсыз бахана болҗакдыгы, элбетде, беллидир. Эдил шонуң ялы хем, хер бир адам өз эдйән ишинде чөрек пулы үчин ишлейәр. Эгер парз намазыны терк этсең, әхли гайратың, аладаң мивеси диңе шу дүнйә махсус әхмиетсиз хем-де нетиҗесиз чөрек пулуна дөнер. Эгер сен дынч алыш ве аракесме вагтыңы рухуң рахатлыгына, калбың ынҗалыгына гетирҗек намаза сарп этсең, чөрек пулуң берекетленмеги билен бирликде, ахыретиңде саңа рызк ве әхмиетли чешмә өврүлҗек ики саны рухы магданы тапарсың.

Биринҗи магдан: өз багыңда етиш-дирен - гүлли болсун, мивели болсун - хер агаҗың, өсүмлигиң эден тесбихинден, ягшы ниетиң билен өзүңе етерлик пай аларсың.