Бириси: тагатдакы сабырдыр.

Бейлекиси: магсыете, гүнә ише гаршы сабырдыр.

Башгасы-да: мусыбатлар, белалар өңүн-дәки сабырдыр. Аклың бар болса, шу үчүн-җи дуйдурышдакы тымсалда гөркезилен хакыкаты өзүңе йөрелге эт. Мерданалык билен "Я, Сабур!" (Эй, иң сабырлы!) дий.

Шу үч сабыры аркаңа ал. Хак Тагаланың саңа берен сабыр кувватыны, эгер, терс ёлда даргытмасаң, ол с£ниң башыңа дүшҗек хер мушакгата ве хер белалара етерлик болар... Сен онуң кувватына даян.

Дөрдүнҗи дуйдурыш. Эй, мениң акмак небсим! Эйсем, шу гуллук везипеси нетиҗесизмидир? Сени иризер ялы, музды азмыдыр? Меселем, бир адам сени хакына тутса я-да сени горкузып агшама ченли ишлетсе, биалач ишләрсиң. Инди мыхман-хана меңзейән бу дүнйәде эҗиз хем пакыр калбыңа гүйч ве кувват, ахыркы мензилиң болан габрыңда иймит ве нур, ене-де Магшарда кепилнамаң ве азатлык гүвәнамаң, үстесине-де, хеммелериң хөкман гечмели Сырат Көпрүсинде нур ве Быраг аты болҗак намаз сениңче, нетиҗесизмидир?.. Я-да шу баханы хем аз гөрйәрмиң?