ӨЧЕНЧЕ ХАКЫЙКАТЬ.

Бу аять безгә "Хөрмә һәм йөзем җимешләренә игътибар белән карагыз" дип әйтә. "Акылы булган кешеләргә бу ике җимештә Тәүхид (Аллаһның бер-леген белү) өчен зур хикмәт һәм дәлилләр бардыр". Әйе, шул ике җимештән тукландыручы һәм куәт бирүче бик тәмле һәм ләззәтле ашамлыклар ясала. Шушы кыйммәтле һәм тәмле ике җимеш сусыз ком-да вә коры туфракта үсә торган агачлардан барлык-ка килә. Аларның һәрберсе, Аллаһ кодрәтенең мо-гҗизасы булып, берәр шикәр яки берәр баллы эчем-лек "механизмы" булып торалар.

Боларны күргән һәр кеше "Боларны шулай ясау-чы ЗАТ, әлбәттә, бу зур галәмне яратучы ЗАТ бу-лыр", дип әйтергә мәҗбүр булыр. Чөнки күзебез алдындагы бер бармак кадәрле йөзем чыбыгында егер-ме йөзем тәлгәше бар. Һәр тәлгәштә йөзәр данә бал-лы эчемлек бөртекләре бар. Һәм һәр данәнең битенә нәфис, нәзакәтле һәм матур төстәге бер тышчаны кидерү һәм аның эченә үсеш программасы булган орлыкларын урнаштыру бары тик Аллаһның чиксез кодрәте белән генә була ала.

Бу могҗизалы эшләрнең һәммәсенең бөтен Җир шарында бер үк вакытта бергә булып торуы, әлбәттә, ачыктан-ачык Аллаһның чиксез кодрәтенең һәр җирдә хазир һәм назир булганын исбат итеп күрсәтә. Бу аятьләрдә исбат ителгән Аллаһның могҗиза-лы эшләренә җансыз, фикерсез сәбәпләр һәм "Таби-гать" дип аталган нәрсәләр катнаша алмаслар. Алар Аллаһның кодрәтенә бары тик бер пәрдә генә булыр-лар. Башкача тәэсирләре юктыр.