АЯТЕЛ-КӨБРА

Каинәттән (галәмнәрдән) Аллаһны сораган бер сәяхәтченең күргәннәре.

Бу зур аять кебек, бик күп Коръән аятьләренең башта күкләрнең хикмәтләрен зикер иткәне кебек, без дә иң әүвәлге дәресебезне күкләрдән башлыйбыз.

Бу дөнья мәмләкәтенә кунак булып килгән кеше, башын күтәреп караганда, күк галәме йолдызлар теле белән аңа:"Миңа кара! Эзләгәнеңне сиңа күрсәтер-мен", - дип әйтер. Ул кеше карар һәм күрер: күк галәмендә кайберләре Җир шарыннан мең тапкыр-лар зуррак бик күп җисемнәр, йолдызлар бар. Алар-ның кайберләре туп ядрәсе тизлегеннән җитмеш мәртәбә тизрәк тизлек белән күк йөзе бушлыгында бер-берсе белән бәрелмичә әйләнәләр. Йөз миллиардлар санынча шул йолдызларны, бер зур армиянең полклары (самолетлары) кебек миллион еллар буенча үз тәртипләрен бозмыйча әйләндереп тору бары тик Аллаһның кодрәтеннән генә килә икәнлеген исбатлап тора.

Моннан соң ул сәяхәтче кешегә күктәге һава буш-лыгы каты тавыш белән кычкырып әйтте: "Миңа кара! Кызыксынып эзләгәнеңне һәм сине дөньяга җибәргән Яратучыңны минем аркылы белерсең һәм таба алырсың", - диде. Ул сәяхәтче кеше, күкнец сөенеч биргән күкрәү тавышын тыңлап, күк йөзенә карады һәм күрде: Җир белән күк арасындагы буш-лыкта торган болыт хикмәтле һәм шәфкатьле рәвештә Җир бакчасын сугарыр һәм инсаннарга кирәкле булган тормыш суын (абе хәятны) бирер. Шуның белән Җирдәге барлык җан ияләренең их-тыяҗларын канәгатьләндерер.