Әйе, галәмдәге нәрсәләрдә булган үзгәреш вә ярдәмләшүләргә карап, күрәбез ки: хәятсыз, фикер-сез һәм шәфкатьсез булган нәрсәләр, хәятлы, фи-керле һәм шәфкатьле нәрсәләр кебек үк бер-берсе-нең ярдәменә йөгерерләр. Шуңа бер мисал: болыт-ларның, Җирне, барлык җан ияләренең суга их-тыяҗын белгән кебек, сугаруы һәм агачларныц да инсаннарга шәфкать һәм фикер ияләре шикелле җимешләр бүләк итүе. Әмма алар җанга да, фикергә дә, шәфкатькә дә ия түгелләр. Шулай булгач, бу күренешләр Аллаһның чиксез зур кодрәтен, рәхим-шәфкатен һәм гыйлемле хикмәтен күрсәтеп торалар.

Аннан соң яңгырга карады һәм күрде: ул йомшак һәм чиста вә тәмле булып Аллаһның рәхмәт хәзинә-сеннән җибәрелгән тамчыларда шулхәтле мәрхәмәтле вазифалар бар ки, гүя Аллаһ үзенең рәхмәтен безгә шул яңгыр тамчылары рәвешендә җиткерә. Шуннан соң ул, яшен яшьнәтүгә һәм күк күкрәүгә карар һәм күрер: алар искиткеч гаҗәп вазифалар башкаралар. Шул вакыт ул күзен күк йөзеннән алып, уйлар: "Ындырда сугылган мамыклар рәвешендәге җансыз һәм фикерсез болытлар, әлбәттә, безне, кешеләрне, белмәсләр. һәм алар, Аллаһның әмере белән, тау-лар кебек зур яңгыр хәзинәләрен җилгә биреп, суга ихтыяҗы булган җирләргә яудырыр. Гүя болытлар аларга шәфкать күрсәтеп, күз яшьләре белән елый-лар һәм (шуныц белән Җир шары да) чәчәкләр ар-кылы елмаялар һәм көлемсериләр. Шулай итеп, яңгыр, җәй фасылындагы кояшның көчле эссесен киметер өчен, губка шикелле болытлар белән Җир бакчаларына су сибәр, Җир өстен дә чистартыр".