- Кил, ун минут шул җирне казы. Миллион сум кыйммәтендәге бер алмаз табарсың", - дип чакырса, син аңа:

- Юк, бармыйм. Әгәр барсам, көнлек эш хакым-нан 40 сумны югалтачакмын", - дисәң, син нинди зур ахмаклык эшләгән булырсың? Шушы мисалда-гы кебек, син бу дөнья тормышында яшәү һәм ашау-ны тәэмин итү өчен эшлисең. Әгәр ял вакытларын-нан ун минут кына аерып алып, намаз укысаң, ул вакыт син мәңгелек җәннәт бәхетлеген казанырсың. Һәм синең дөнья эшләрең дә гыйбадәт саналыр, сиңа изгелек язылыр. Шулай Аллаһның ризалыгын каза-нырсың. Әгәр намаз укымасаң, һәм дөнья, һәм ахирәт бәхетлегеннән мәхрүм калырсың.

НӘТИҖӘ. Әй, нәфес! Бел ки, кичәге көн синең кулыңнан китте. Ә иртәгә синең исән-сау булуың билгеле түгел. Шулай булгач, син хакыйкый гоме-реңнең бүгенгесен бел. Бүгенге көннең егерме дүрт сәгатьтән берсен хакыйкый мәңгелек сәгадәтлек өчен намазга бир. Мәңгелек сәгадәткә омтылу белән күңелеңне тынычландыр. Шуны бел ки, һәр яңа көнне сиңа, һәр кешегә яңа бер галәмнең капкасы ачылыр. Син ул көнге күңел дөньяңны намаз нуры белән зыяландыр. Намазыңны ташлап, үз күңелеңнең мәгънәви дөньясын караңгы итмә.

Мәсәлән, синең көзгеңдә күренеп торган күркәм бер сарай, көзгеңнең хәленә карап, үзгәреп торыр. Көзгеңнең төсе кара булса - сарайны кара күрсәтер. Кызыл булса - кызыл күрсәтер. Синең көзгең тигез булса - сарайны матур күрсәтер, ә дулкынлы булса - сарайны ямьсез күрсәтер. Шуның кебек син дә, акылың белән уйлап, күңелең белән теләп, үзеңнең мәгънәви дөньяңны бәхет-ле яки бәхетсез итәсең. Әгәр намаз укысаң, синең ул көнге тормышың нурланыр, синең күңелеңне дә нурландырыр. Әгәр намазны ташлап, кирәк булмаган, файдасыз эшләр белән вакытыңны уздырсаң, синең ул көнге мәгънәви тормышың каралыр, күңелеңне дә каралтыр.

Акыллы булсаң, үзеңә зарар китермә. Чын ихлас белән Аллаһка бәндә бул! Дөнья һәм ахирәт бәхетлеген казан!