ЛӘМАЛАР | Егерме бишенче ләма | 15
(1-16)

     Дөнья сине артык буа алмый.. гафләт синең күзеңне каплый алмый.. һәм ярты кеше хәлендәге бер затка нәфс-е әммарә, әлбәттә түбән хисләр һәм нәфсани ләззәтләр белән аны алдый алмас, бик тиз ул нәфеснең бәласеннән котылыр.

     Шулай итеп, мөэмин иман сере белән, тәслимият һәм тәвәккәллек белән паралич кебек бу авыр хасталыктан аз бер вакытта әүлияләрнең чиләләре кебек файда ала алыр. Ул вакыт бу авыр хасталык бик очсызга төшәр.

     ЕГЕРМЕ ӨЧЕНЧЕ ДӘВА:Әй ялгыз, бичара хаста! Хасталыгың белән бергә ялгызлык һәм горбәт (чит җирдә булу), сиңа карата иң каты кальбләрне йомшартса һәм шәфкатьле карашларны җәлеп иттерсә; Коръәннең бөтен сүрәләренең баш­ларында үзен Рахман-ир-Рәхим сыйфаты белән безгә тәкъдим иткән, һәм шәфкатенең бер тамчысы белән барлык аналарны үз балаларын, шул гаҗәеп шәфкате белән тәрбия иттергән, һәм һәр язда рәхмәтенең бер чагылы­шы белән җир йөзен нигъмәтләр белән тутырган, һәм мәңгелек бер хәяттәге җәннәт бөтен гүзәллекләре белән Аллаһның рәхмәтенең бер чагылы­шы булган синең Халик-ы Рахимеңә иман белән баглануың һәм Аны танып, хасталыкның гаҗизлек теле ярдәмендә ялваруың, әлбәттә синең бу горбәттәге ялгызлык хасталыгың, бөтен нәрсәгә каршы Аның рәхмәт карашын сиңа җәлеп итәр. Ул бар икән, сиңа карый икән, сиңа һәрнәрсә дә бар. Асыл горбәттә, ялгызлыкта калучы шулдыр ки; кем иман һәм тәслимият белән Аллаһка багланмый яки баглануына әһәмият бирми.

 
      ЕГЕРМЕ ДҮРТЕНЧЕ ДӘВА: Әй, гөнаһсыз хаста балаларга һәм гөнаһсыз балалар хөкемендә булучы картларга хезмәт иткән хаста караучылар!.. Сезнең алдыгызда мөһим бер ахирәт сәүдәсе бар. Көчле теләк һәм гайрәт белән ул сәүдәне казаныгыз... Гөнаһсыз балаларның хасталыкла­рын, бу нәзек тәннәргә бер чыныгу, бер нәфес тәрбиясе һәм киләчәктә дөнь­яның авырлыкларына каршы тора алсыннар өчен, бер укол һәм Раббани бер тәрбия кебек, баланың дөнья хәятенә бәйле күп хикмәтләре белән бергә, рухи хәятенә һәм хәятенең сафлануына сәбәп булачак олылардагы гөнаһлар­ның ярлыкану хәле (кәффәрәт-үз зүнүб) урынына, мәгънәви; һәм киләчәктә яисә Ахирәттә мәгънәви үсешенә сәбәп булачак уколлар төрендәге хасталыклардан килүче савап, әти-әнисенең гамәл дәфтәренә, аеруча шәфкатьлелек сере буенча баласының сихәтлеген үзенең сихәтлегеннән өстен күргән әнисенең изгелек битләренә язылуы, хакыйкать әһелләре буенча ныклы­дыр. Картларны карау исә; һәм бөек савап казану белән бергә, ул картларның, аеруча әти-әнисе булса, догаларын алу һәм кальбләрен сөендерү, тугрылык белән хезмәт итү, һәм бу дөньядагы бәхеткә, һәм Ахирәт бәхетенә сәбәпче булуы хәдисләр һәм күп тарихи вакыйгалар белән исбатлангандыр.

Тавыш юк

ЛӘМАЛАР