Хуллас, баъзи маҳбубларингга Қуръон иршод этган тарзда муҳаббат қўйган вақтингда, ҳар бирида юзлаб латоифлар борки, биз бу ерда юздан биринигина кўрсатдик. У муҳаббатинг Қуръон кўрсатган йўлда бўлмаса, юзлаб зарарлари борки, бу ерда унинг ҳам юздан бир зараригагина ишорат этдик.

Энди бу маҳбубларинг дори бақода, олами охиратда Қуръони Ҳакийм очиқ-ойдин оятлари-ла ишорат этган натижаларни эшитишни ва англашни истасанг, ана ўша турли машруъ муҳаббатларингнинг дори охиратдаги натижаларини бир "Муқаддима" ва "Тўққиз Ишорат" билан юздан бир фойдасини ижмолан кўрсатамиз.

Жаноби Ҳақ жалил улуҳийяти-ла, жамил раҳмати-ла, кабир рубубийяти-ла, карийм раъфати-ла, азийм қудрати-ла, латиф ҳикмати-ла шу кичкина инсоннинг вужудини бу қадар ҳавас ва ҳиссиёт билан,-бу даража аъзои бадан ва жиҳозот билан ва мухталиф аъзолар ва олатлар билан ва мутанавви латиф ва маънавиятлар билан жиҳозлаган ва зийнатлаганки, то мутанавви ва ғоят кўп олатлар ёрдамида ҳадсиз анвои неъматини, эҳсонотининг қисмларини, раҳматининг табақаларини у инсонга ҳис эттирсин, биддирсин, тоттирсин, таниттирсин, севдирсин. Инсондаги у кўпданкўп олатлар ва жиҳозларнинг ҳар бирининг айри-айри хизмати, убудийяти бўлганидек, айри-айри лаззати, алами, вазифаси ва мукофоти бордир.